Nyasa lan Teges

Sekaa Teruna Werdhi Yowana, Bajar Pakraman Tihingan sampun pastika ngukuhin nyasa pinaka jati angga sekaa sane merupa Ongkara lan Tri Sula, sane keapit antuk candi bentar, rig sajeroning iketan rante, samian punika wenten ring tengahing suter mabucu lima, saha medaging sesuratan ”Eka Satya Werdhi Yowana Bahu Tri”.

1.Ongkara

artos ipun Sekaa Teruna Werdhi Yowana ngutamayang ngerajegang Sang Hyang Agama, astiti bhakti ring Ida Sang Hyang Widhi. Ngawerdiang prawertine meagama Hindu.

2.Trisula

artos ipun Trisula astran Ida Sang Hyang Widhi Wasa, maka dasar lan titi ring sajeroning maurip Teruna ring Bahung Tringan, inggian punika Tri Kaya Parisuda lanTri Hita Karana

3.Candi Bentar

artos ipun Sekaa Teruna Werdhi Yowana ngerajegang purwa dresta adat, agama, dan budaya Hindu Bali

4.Iketan Rante

artos ipun Sekaa Teruna Werdhi Yowana wit sangkaning masikian tan dados palasang.

5.Segi Lima

artos ipun Sekaa Teruna Werdhi Yowana mikukuhin lan metindihin Pancasila, Panca Srada lan UUD 1945.

6.Eka Satya Werdhi Yowana Bahu Tri

artos ipun nyikiang pikayun ngarajegang satyane mapiketan ring sajeroning nginggiang kerahajengan Teruna ring Bahung Tringan.

KEWENTENAN SEKAA TERUNA TITIANG, MANUT DASAR PEMARGI SANE KANGGEN NYANGGRA KEWENTENAN SEKAA TERUNA PUNIKA.

1.WIDANG YASA KERTHI DHARMANING AGAMA,
INGGIH PUNIKA WANTAH KEANGGEN GENAH PARA KRAMA SEKAA TERUNA MAPIDABDAB NELEBANG PEMARGIN SANG HYANG AGAMA, SANE WENTEN KERUMAKETAN IPUN RING PARA YOWANA SAMI. MAWANAN TEPENGAN GALAH PUNIKI, SEKAA TERUNA WERDHI YOWANA BANJAR PAKRAMAN TIHINGAN DESA PAKRAMAN BEBANDEM NGEMARGIANG PEMUSPAYAN SANUNGGIL PURNAMA TILEM MIWAH RERAHINAN SANE SIYOSAN SEKADI GALUNGAN MIWAH KUNINGAN. KRAMA TERUNA SETATA MEPENGAYAH RIKALANING WENTEN PEMARGIN UPACARA YADNYA RING BANJAR MIWAH RING DESA.

2.WIDANG ORGANISASI,
INGGIH PUNIKA WANTAH TATA TITINING PAMARGI SANE NGINDIKANG PAPALIHAN PRAJURU SANE KEANGGEN NGAMARGIANG PARIKRAMANING SEKAA TERUNA MAPARIPOLAH RING DESA PAKRAMAN. ANTUK PUNIKA SEKAA TERUNA WERDHI YOWANA BANJAR PAKRAMAN TIHINGAN, DESA PAKRAMAN BEBANDEM PUNIKI SAKING RIHIN SAMPUN MADRUWE ORGANISASI SANE KEMARGIANG OLIH PRAJURU SEKAA TERUNA MADUE KRAMA KALIH SAHANING PIBUAT KADASARIN ANTUK AWIG-AWIG MIWAH PARAREM SEKAA TERUNA.

3.WIDANG ADMINISTRASI,
INGGIH PUNIKA WANTAH MARUPA PULA PALI SAJERONING PACANG NGAMARGIANG ORGANISASI INUCAP, SEKADI BUKU-BUKU ADMINISTRASI, PENGERENCANA PROGRAM, SAHA UTSAHA DANA SAKING KRAMA SEKAA TERUNA. SIOS RING PUNIKA TAELR NGENININ INDIK SWLAKITA SEKAA TERUNA TALER SAMPUN KAPIDABDABIN KAANGGEN NEGEPANG PAILEH IPUN SAJERONING NYINAHANG KAWENTENAN SEKAA TERUNA.

4.WIDANG YASA KERTHI DHARMANING NEGARA,
INGGIH PUNIKA WANTAH UTSAHA KRAMA SEKAA TERUNA SAJERONING NGAMILETIN PROGRAM-PROGRAM SANE KEMARGIANG OLIH PEMERINTAH DRUWE, WAJIB BELAJAR, SENI BUDAYA, KESEHATAN, SAHA SARENG NGAWERDIANG PAMARGIN PAWANGUNAN

KAWENTENAN SEKAA TERUNA

SEKADI SANE SAMPUN KEWIKANIN SEKAA TERUNA PUNIKA WANTAH GENAH PARA YOWANANE MEPUPUL, NGEMARGIANG DRESTA MIWAH SIMA MANGDA SIDA NGEMANGGUHANG KESUKERTAAN RING SEKAA TERUNA. PUNIKA MAWINAN SARAT PIBUATE PACANG NGEWERDIANG KAWENTENAN SEKAA TERUNA PUNIKI MANGDA KANTUN MANGGEH RAWUH KAPUNGKUR WEKAS. MANUT DAGING PRATITIS LAN PAMIKUKUH SAJERONING AWIG-AWIG, SEKAA TERUNA WERDHI YOWANA BANJAR PAKRAMAN TIHINGAN DESA PAKRAMAN BEBANDEM NGEMANGGEHANG DASAR PEMARGI SANE KEBAOS TRI HITA KARANA. SIOS RING PUNIKA KRAMA SEKAA TERUNA WERDHI YOWANA TALER NGEMANGGEHANG TETUJON MINAKADI NGEWANGUN KATREPTYAN SAJERONING SEKAA TERUNA, MAKA LARAPAN SIDA GEMUH LANDUHING PARAJA, MANUT DHARMA PRAWERTINIG PARA YOWANA, SAHA NGERAJEGANG DHARMANING AGAMA MIWAH DHARMANING NEGARA.